Prokuroria e Përgjithshme ka përfunduar verifikimin e kryebashkiakut socialist të Kuçovës, Kreshnik Hajdari dhe ka dorëzuar në KQZ rezultatet e këtyre të dhënave.
Sipas burimeve nga Prokuroria, Hajdari nuk ka bërë asnjë deklarim në formular dhe i është përgjigjur të gjitha pyetjeve me “JO”.
Në përgjigje, prokurori i çështjes Kostaq Beluri, konfirmon dënimin e Kreshnik Hajdarit në Greqi, në vitin 1999 nga gjykata e shkallës së parë në Janinë me 4 muaj burg për
“Rezulton të jetë i dënuar me vendim të formës së prerë Nr. 3286/23-6-1999, nga Gjykata e Shkallës së Parë Janinë/Gjykata Penale me Një Anëtar, e cila ka vendosur: Në prani të të pandehurve …14) Hajdari Kreshnik, i biri i RIZA dhe i HALIME, i lindur më 29-7- 1982 në Berat, Shqipëri, puntor (i bashkëgjykuar i mitur): Shpall fajtor secilin nga personat madhore të përgjegjshëm penalisht dhe shkaktar sejcilin nga personat e mitur të përgjegjshëm penalisht (“ka kryer një vepër”) për shkeljet: Hyrja në territorin grek pa ruajtur formalitetet ligjore përkatëse (shkelje e nenit 4 §§ 1 dhe 3 të Ligjit 1975/1991). Dënon secilin nga personat madhorë penalisht të pandehur, të shpallur fajtor me: Katër (4) muaj” – thuhen në përgjigjen e prokurorisë.
Do të jetë Komisioni Qëndror i Zgjedhjeve i cili do të vendosë nëse Hajdari do të vijojë detyrën si kryebashkiak, apo Bashkia e Kuçovës do të hyjë në zgjedhje të reja.
KQZ ka tashmë në dorë edhe vendimin e Gjykatës së Janinës, para se të vendosë për Hajdarin.
- Hetimet e SPAK ndaj kryebashkiakëve socialistë
Përveç Kreshnik Hajdarit, kryeministri Edi Rama është në “hall” të madh pasi SPAK ka nis hetimet ndaj dy kryebashkiakëve të tjerë socialistë të cilët akuzohen për shkelje të barazisë në tendera dhe shpërdorim detyre.
Bëhet fjalë për kryetari i Bashkisë së Kamzës Rakip Suli dhe kryebashkiaku i Rrogozhinës Edison Memolla.
Hetimet ndaj tyre kanë nisur pas denoncimeve të shumta se ata kanë abuzuar me tenderat e pastrimit të qytetit, por edhe se kanë firmosur dëmshpërblime mbi dëmtimet e banesave nga tërmeti.
Ka dyshime se disa qytetarë kanë përftuar dy herë dëmshpërblim për të njëjtin objekt, prandaj hetimet do zbulojnë më shumë rreth këtyre akuzave.
Prokuroria e Posaçme ka urdhëruar sekuestrimin e dokumentave mbi procedurën e ndjekur për tenderat dhe për dëmshpërblimet.
