Pas zhvillimeve të fundit në Kryesinë e Kuvendit, opozita ka ndikuar në vendosjen e një ndryshimi të rëndësishëm në mënyrën e zhvillimit të komisioneve parlamentare.
Sipas njoftimeve, është vendosur që disa prej tyre të mbahen online, një praktikë që ka patur rëndësi për të shmangur tensionet dhe incidentet e shkaktuara nga opozita në ditët e fundit.
Deputeti i PD-së, Edmond Spaho ndonëse është paraqitur sipas njoftimit të Gazment Bardhit në Kryesinë e Kuvendit, për të qenë në mbledhjen e grupit, është penguar nga Garda e Republikës.
Ky deputet vazhdon të jetë i përjashtuar nga jeta parlamentare, pas vendimit të Sekretariatit të Etikës.
Vetëm ditën e sotme pritet të mbahen 7 komisione, me disa prej tyre që do të zhvillohen online. Nënvizohet se komisioni për Sigurinë Kombëtare do të mbahet me dyer të mbyllura dhe do të diskutojë rreth projektbuxhetit të vitit 2024, duke ftuar përfaqësues të Shërbimit Informativ Shtetëror.
Kreu i Grupit Parlamentar, Gazment Bardhi, ka thirrur në një mbledhje grupin parlamentar në Kryesinë e Kuvendit në orën 12:00.
