Ditët në vijim, duket se do të sjellin një mot të qëndrueshëm, por nuk do të mungojnë reshjet e shiut, dhe temperaturat e ulëta.
Shërbimi Meteorologjik Ushtarak ka bërë edhe parashikimin për ditët e ardhshme të motit.
Parashikimi i motit:
Për ditët në vijim vendi ynë do të ndikohet nga kushte atmosferike kryesisht të qëndrueshme, por nuk do të mungojnë edhe ditët me reshje shiu.
Në këtë mënyrë për ditën e Martë dhe ditën e Enjte moti parashikohet i kthjellët si dhe vranësira kalimtare kryesisht në orët e para të ditës dhe mbrëmje.
Për ditën e Mërkurë pritet depërtimi i masave ajrore të paqëndrueshme dhe të lagështa ndërsa moti parashikohet me vranësira e alternime të herëpashershme kthjellimesh. Vranësirat do të shoqërohen me reshje shiu me intensitet të ulët dhe lokalisht mesatar në formën e shtrëngatave në një pjesë të madhe të vendit.
Dita e Premte pritet të ketë mot të paqëndrueshëm si pasojë e kalimit të një fronti të ftohtë atmosferik.
Moti parashikohet me vranësira deri të dendura si dhe reshje shiu të cilat në zonën e veriut dhe qendër do të jenë me intensitet mesatar deri të lartë në formën e stuhive dhe rrebesheve të forta.
Pjesa tjetër e territorit parashikohet me reshje shiu me intensitet deri mesatar ndërsa gjithashtu në relievet malore në Alpeve dhe verilindje në lartësitë mbi 800 metër reshje dëbore me intensitet të ulët.
