Nga një lojtar emblematik i drejtësisë dhe lider deri te një gjest i tepruar nervozizmi ndaj një djali shumë të ri.
Kjo është “metamorfoza” e përjetuar nga Robert Lewandowski, autori i një dygolëshi vendimtar në përmbysjen e Barcelonës ndaj Alaves, por përfundoi në qendër të kritikave për gjestin që bëri ndaj Lamine Yamal.
Qendërsulmuesi polak qortoi në mënyrë të hapur shokun e tij shumë të rinj për një pasim të gabuar dhe i ka mohuar më pas shtrëngimin e dorës.
https://twitter.com/i/status/1723784920735064291
Një sjellje ajo e polakut që nuk është pëlqyer nga disa ish-lojtarë të Barcelonës, të cilët nuk i kanë kursyer kritikat.
Duke folur në Movistar Plus, Gerard Lopez e përkufizoi gjestin e ish-sulmuesit të Bayern “vrazhdësi e papranueshme”, dhe të njëjtin mendim ka patur edhe Gerard Autet, me një të kaluar në ekipin e të rinjve të katalanasve në fund të viteve ’90 dhe për këtë arsye e ka vënë veten në vend të Lamalit.
“Gjëra të tilla mund të ndodhin në fushë, por reagimi i Lewandowskit ishte i shëmtuar për t’u parë”, fjalët e Autet për Esport 3.
https://twitter.com/i/status/1723795513592430710
