Një 31-vjeçar në Cërrik ka rënë në prangat e Policisë, pasi ka ushtruar dhunë ndaj nënës së tij dhe e ka kanosur me fjalë. Ai dyshohet gjithashtu se i ka vjedhur celularin babait të tij dhe më pas e ka shitur atë.
“Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin F. B., 31 vjeç, banues në Cërrik, pasi ka ushtruar dhunë ndaj nënës së tij dhe e ka kanosur me fjalë. Gjithashtu, ky shtetas dyshohet se i ka vjedhur celularin babait të tij dhe më pas e ka shitur atë.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
