Një ngjarje e rëndë është regjistruar mesditën e kësaj të shtune në Elbasan, ku një elektriçist ka humbur jetën në krye të detyrës.
Autoritetet policore raportojnë se viktima është shtetasi A. T., rreth 62 vjeç, banues në Elbasan. Ky i fundit, rreth orës 12:45, dyshohet se aksidentalisht gjatë punës për riparimin e një defekti në një kabinë elektrike, në fshatin Muçan, ka rënë në kontakt me rrymën elektrike dhe si pasojë ka humbur jetën.
Grupi hetimor ndodhet në vendngjarje dhe po punon për zbardhjen e rrethanave të rastit.