Manchester ka shënuar fitoren e katërt në po aq ndeshje në fazën e grupeve në Ligën e Kampionëve.
Kampionët në fuqi të Evropës triumfuan 3-0 kundër ekipit zviceran, Young Boys, në stadiumin “Etihad”.
Erling Haaland hapi serinë e golave në minutën e 23-të kur u tregua i saktë nga pika e bardhë e penalltisë.
Në minutën e parë shtesë të pjesës së parë, Phil Foden shënoi golin e dytë dhe të qetësisë për anglezët.
Gjashtë minuta pasi nisi fraksioni i dytë i lojës, Erling Haaland shënoi supergol për epilogun final të takimit.
Manchester City është në vendin e parë në Grupin G me 12 pikë, tri më shumë se Leipzig, ndërsa Young Boys është i fundit me një pikë.
Teksa mbeten edhe dy ndeshje nga mbyllja e grupeve, anglezët e City-t dhe Leipzig kanë prerë biletën për në fazën tjetër të kompeticionit.
Renditja e Grupit G pas 4 ndeshjeve:
