Një 27-vjeçar është arrestuar ditën e sotme në Durrës, pasi akuzohet se ka ushtruar dhunë psikologjike ndaj nënës së tij.
Blutë bëjnë me dije se në pranga ka rënë shtetasi me iniciale, T.H, në banesën e së cilit është gjetur dhe sekuestruar një mjet prerës thikë.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin T. H., 27 vjeç, banues në lagjen nr. 15, pasi dyshohet se ka ushtruar dhunë psikologjike ndaj nënës së tij. Në vijim, nga kontrolli në banesën e 27-vjeçarit, shërbimet e Policisë gjetën dhe sekuestruan në cilësinë e provës materiale, një mjet prerës (thikë)”,- njofton policia.
