Kreu i grupit parlamentar të PD-së, Gazment Bardhi, ka folur këtë të hënë për tensionet te Kryesia e Kuvendit, ku garda nuk lejonte deputetët e opozitës të futeshin brenda institucionit.
Bardhi shprehet se kuvendi është kthyer si vila e Lindita Nikollës, e blerë me paratë e korrupsionit, teksa shprehet se: “Kjo tregon fytyrën e vërtetë të regjimit të Edi Ramës”.
Bardhi: Deputetët e opozitës nuk lejohen të marrin pjesë në mbledhjen e grupit, sepse ky është vendimi i regjimit të Edi Ramës.
Nuk lejohen të aksesojnë zyrat e tyre në kryesinë e Kuvendit, duke e trajtuar kryesinë e Kuvendit si vilën e Lindita Nikollës, e blerë me paratë e korrupsionit.
Kryetarja aktuale e Kuvendit është i vetmi njeri, ministre arsimi, që është akuzuar nga kolegët e vet, që çonte badigardin për të marrë 3 mijë euro për një vend pune.
Me lekët e korrupsionit bleu shtëpinë e saj, tani po e trajton edhe godinën e shtetit si shtëpinë e saj.
Kolegët që lejohen do jenë aty për të treguar se ky është Kuvendi privat i Edi Ramës.
Deputetët e opozitës kanë qenë dhe do jenë në betejë me këtë regjim.
Kaq punonjës garde dhe punonjës të ruajtjes së sigurisë nuk u çohen bandave më të rrezikshme kriminale, i kanë vendosur përballë deputetëve të opozitës.
