Deputeti i Partisë Demokratike, Edi Paloka ka reaguar për herë të parë pas nënshkrimit të marrëveshjes së Edi Ramës me Melonin e cila po e shndërron Shqipërinë në një terminal gjigant emigrantësh të paligjshëm.
Gjatë një postimi në rrjetet sociale, Paloka shkruan se Edi Rama ka marrë përsipër që të “strehojë” refugjatët që zbarkojnë në Itali pikërisht duke shpërdoruar paratë e taksapaguesve shqiptarë.
Paloka vijon akuzat e tij duke shtuar se Edi Rama vazhdimisht shet interesat e shqiptarëve për karrigen e tij.
Reagimi nga Edi Paloka:
“E morret vesh tani se cila ishte kostoja e “perqafimeve” Rama-Meloni…
Ky pleh kryeminister ka ndermend ta ktheje Shqiperine ne kamp refugjatesh. Ka marre persiper sot ne marreveshjen e saponenshkruar qe te “strehoje” ne Shqiperi emigrante e refugjate qe zbarkojne ne Itali. Ata qe nuk i mban dot nje nga shtetet me te fuqishme te globit, merr persiper ti mbaje ky ne token e shqiptareve e me parate e shqiptareve.
Keshtu ka shitur gjithe kohen interesat e shqiptareve per karrigen dhe milionat e tij. Keshtu blihet rivendosja e diktatures ne Shqiperi dhe mbyllja e syve nga bota!
Qe ne fillimet e tij ne qeveri ishte gati ta kthente vendin ne pike grumbullimi te plehrave dhe armeve kimike. Me pas beri marreveshje per iranianet e afganet. E nderkohe qe nenshkruante me Angline marreveshje per dergimin e emigranteve shqiptare nga Anglia ne kampet e Ruandes, nenshkruan sot kete marreveshje qe do ta beje perfundimisht Shqiperine ishullin e krimit te organizuar.
Ka vite qe largon shqiptaret nga toka e tyre dhe tani do ti zevendesoje me afrikane…!
Sa here duket se ky ka kapur fundin me skandalet e tij, ai arrin ne nje nivel edhe me te zi.
Po nuk reaguan shqiptaret as tani, e meritojne cdo gje te zeze qe ju behet!”, shkruan Paloka.
Kryeministri Edi Rama e ka kthyer Shqipërinë në një “kamp refugjatësh”, pas muxhahedinë dhe afganëve, vendi ynë do të strehojë dhe të gjithë refugjatët nga vendet e Lindjes së Mesme që kapen në Itali.
Marrëveshja është nënshkruar ditën e sotme në Itali, mes kryeministrit Edi Rama dhe homologes së tij italiane Giorgia Meloni. Kjo e fundit deklaroi se refugjatët do të sillen në Shqipëri përmes portit të Shëngjinit dhe do të qëndrojnë në vendin tonë, deri sa të vendoset përfundimisht nëse e përfitojnë azilin ose jo.
Meloni shtoi më tej se nga kjo marrëveshje përjashtohen gratë shtatzëna dhe të miturit, ndërsa bëhet fjalë për një fluks prej 36 mijë personash në muaj.
Marrëveshja/ Rama kthen Shqipërinë në kamp refugjatësh. A cënohet siguria kombëtare?
