Është mbyllur pjesa e parë mes Partizanit dhe Vllaznisë, takim i cili mbyll javën e 12-të të Kategorisë Superiore.
Ndeshja në “Arenën e Demave” po rezulton të jetë spektakolare teksa janë shënuar plot 4 gola me kryeqytetasit që kryesojnë 3-1.
Në minutën e 20′ ka ardhur dhe goli i parë i sfidës, teksa pas një rrëmuje në zonën e shkodranëve përfiton “fantazisti” i mesfushës së “Demave”, Arinaldo Rrapaj, i cili me një goditje potente ndëshkon miqtë, duke i dhënë të tijve avantazhin.
Avantazhi i vendasve ka zgjatur vetëm 10 minuta teksa shkodranët kanë barazuar shifrat në minutën e 30-të.
Një goditje dënimi, nga një distance prej më shumë se 25 metrash ekzekutohet në mënyrë perfekte nga ish-“bomberi” i Kombëtares, Bekim Balaj, i cili mposht portierin Qirko.
Teksa gjithçka pritej të mbyllej në barazimin, 1 me 1, në pjesën e parë të sfidës të kuqtë kanë patur diçka tjetër në mendje dhe në minutën e parë shtesë ka ardhur dhe goli i avantazhit.
Një goditje spektakolare nga qendërmbrojtësi i të kuqve, Marcelino Preka dërgon topin në rrjetën e Qarrit.
Mirëpo jo gjithçka është mbyllur këtu pasi vetëm 1 minutë më vonë, pas një asistimi të bukur të Tedi Carës, “antazisti i mesfushës, Adnard Mehmeti tund rrjetën e shkodranëve, duke shpërthyer në festë tifozët.
