Një ngjarje e rëndë ndodhi mbrëmjen e sotme në Kurbin, ku një 53-vjeçar humbi jetën, pasi u rrëzua në gjendje të dehur dhe mori dëmtime në kokë.
Viktimë ka mbetur shtetasi, Luan Kolici, i cili mësohet se po ecte në këmbë anës rrugës, në momentin që ka humbur ekuilibrin dhe është rrëzuar. Trupi i pajetë i 53-vjeçarit është dërguar për të bërë ekspertizën.
“Rreth orës 18:00, në aksin e vjetër rrugor Laç-Milot, në afërsi të Uzinës, dyshohet që shtetasi L. K. 53 vjeç, banues në Milot, duke lëvizur në këmbë në anë të rrugës, në gjendje të dehur, është rrëzuar përtokë dhe është dëmtuar në pjesën e kokës, ku si pasojë ka humbur jetën”,- njoftoi policia.
Nga veprimet hetimore paraprake të kryera si këqyrja e vendit të ngjarjes, këqyrja e pamjeve filmike të administruara, dëshmitë e marra si dhe këqyrja e jashtme e viktimës, rezultoi se ngjarja është aksidentale.
