Barcelona arriti mbrëmjen e sotme një fitore dramatike në transfertë ndaj Real Sociedadit me shifrat 0-1. Katalanasit e Çavit iu falën golit të mbrojtësit Arauho në minutën e 90+4.
Pas asistit të Gyndoan, mbrojtësi goditi saktë me kokë duke përshëndetur rrjetën. Fillimisht goli u anulua për pozicion jashtë lojë, teksa pas konsultës me VAR-in ky realizim rezultoi i rregullt, duke i dhënë 3 pikë të çmuara Barcelonës.
Ky ishte suksesi i 8-të në 12 ndeshje për katalanasit që e shohin veten në vendin e tretë me 4 pikë më pak se Girona e vendit të parë. Sfidën e radhës Barcelona do e luajë në shtëpi ndaj Alavesh, ndërkohë që Sociedadi i vendit të gjashtë udhëton në transfertë ndaj Almerias.
