Mijëra njerëz i janë bashkuar një proteste në Tel Aviv këtë të shtunë, të organizuar nga familjet e rreth 240 pengjeve që mbahen në Rripin e Gazës nga Hamasi,
“Tani!” turma brohoriste vazhdimisht, duke bërë thirrje që pengjet të liroheshin pa vonesë pas gati një muaji në robëri. Shumë prej tyre mbanin fotografi të pengjeve, mes të cilëve fëmijë dhe të moshuar. Hadas Kalderon nga Kibbutz Nir Oz, dy fëmijët e të cilit u rrëmbyen, 16 dhe 12 vjeç, bëri thirrje për një armëpushim në këmbim të kthimit të pengjeve, raportoi “AP”.
Militantët e Hamasit rrëmbyen pengjet në një bastisje ndërkufitare të 7 tetorit që shkaktoi luftën e fundit Izrael-Hamas. Gjendja e rëndë e pengjeve dhe familjeve të tyre ka tërhequr vëmendjen e kombit. Ella Ben-Ami, një 23-vjeçare izraelite, prindërit e së cilës u rrëmbyen, tha se ajo bën përgjegjës kryeministrin e Izraelit, Benjamin Netanyahu.
Ajo bëri thirrje për ndalimin e të gjithë ndihmave humanitare për Gazën derisa pengjet të lirohen. Në Jerusalem, gjithashtu qindra persona u mblodhën jashtë rezidencës së Netanyahut me thirrje për dorëheqjen e tij. Kryeministri, i cili ka udhëhequr Izraelin për gati 16 nga 27 vitet e fundit, ende po lufton tre çështje korrupsioni në gjykatë.
Nëntë muajt që çuan deri në 7 tetor panë protesta masive kundër reformave përçarëse gjyqësore të qeverisë së tij të djathtë, të cilat kundërshtarët i kanë quajtur kërcënim për demokracinë izraelite.
