Pas më shumë se tetë orësh diskutim ka përfunduar seanca e së premtes në Kuvendin e Kosovës.
Në këtë seancë kryeministri i Kosovës, Albin Kurti ka raportuar për takimin e fundit në Bruksel në lidhje me dialogun Kosovë-Serbi.
Kryeministri i vendit, i është përgjigjur disa pyetjeve të deputetëve nga opozita. Kurti në seancën e sotme të Kuvendit të Kosovës ka thënë se emisarët i kanë kërkuar atij që mos ta bëj publike draft statutin.
“E kuptoj kërkesën e juaj që ta shihni draftin, por emisarët më thanë që mos t’ua tregoj draftin. Tash si thoni ‘a me koordinim, a pa koordinim’. Unë e kam nda me presidenten e shtetit. Ata kanë kërku që mos të publikojë draftin. Me bo me ua tregu draftin, i bien pa koordinim. Për besë jam në hall me ju”, ka thënë Kurti.
Kryeministri i vendit po ashtu tha se “Drafti i emisarëve është i marrëveshjeve 2013 dhe 2015, mirëpo ky draft është i pa krahasueshëm më i mirë se i atyre viteve.
