Nënkryetari demokrat i Parlamentit, Agron Gjekmarkaj, është shprehur se Lulzim Basha është i atashuar me qeverinë.
Duke folur në emisionin ‘Pa Censurë’, Gjekmarkaj shprehet se opozita duhet të ecë përpara pa pritur më për Bashën, duke marrë shkas edhe nga mungesa në parlament e grupit të Bashës, në kohën kur opozita është në protestë.
“Pozicionimi i zotit Basha është dukshëm në krah të qeverisë”,- shprehet Gjekmarkaj ndër të tjera.
Gjekmarkaj: ‘Ky është një shërbim dhe atashim i tyre pranë qeverisë. Raporti që Basha ka me Shqipërinë, me opozitën dhe me elektoratin e saj është raporti që kishte me byrekun, të cilin e bleu duke menduar që e shijonte shumë, si djalë sportiv dhe spontan dhe, sa mendoi që nuk po filmohej, e hodhi me neveri. Ky është raporti i tij me të vërtetën. Kam arritur në këtë konkluzion nga njohja me të dhe nga veprimet që po kryen bashkë me shoqatën që përfaqëson, për fat të keq. Pozicionimi i zotit Basha është dukshëm në krah të qeverisë. Atë që nuk e bën qeveria, punët e pista ndaj opozitës, po i bën zoti Basha në njëfarë mënyre”.
