Deputeti demokrat Oerd Bylykbashi, ka folur mbrëmjen e sotme për ‘betejën’ e opozitës kundër mazhorancës në Kuvend.
I pyetur në “Top Story” se pse ‘luftojnë’ dhe trajtojnë politikisht çështjen e Berishës për Kompleksin Partizani, në momentin që ai është ‘bombë’ që rrezikon t’i plas opozitës në ‘dorë’ nëse shpallet fajtor, Bylykbashi thekson se “goditja për Sali Berishën është politike’.
Pjesë nga debati:
Duma: Nga ana tjetër ju thoni që nëse ekziston një çështje mbi Sali Berishën, ajo meriton të trajtohet politikisht dhe jo me drejtësinë.
Bylykbashi: Me drejtësinë ka rrugën e vetë ajo.
Duma: Kemi të bëjmë me një dosje ku Berisha rrezikon të shpallet fajtor ose jo. Si jeni përfshirë politikisht në këtë, kur ajo dosje rrezikon të jetë një bombë nëse Berisha del fajtor?
Bylykbashi: Unë të thash që spangua me të cilën kanë qepur SPAK është aq e trashë dhe bie aq shumë në sy saqë…
Duma: Pra është e trashë dosja?
Bylykbashi: Unë nuk di se çfarë ndodhë me këtë lloj drejtësie. Komisioni i Venecias ka thënë në 2015-ën se këto që po ndodhin, përfshirë edhe vettingun, ekziston mundësia që sistemi i drejtësisë të kapet nga partia që është në qeveri. E thonë ata. Paragrafi ’98, dokumenti i 2015-ës. Tani kjo ka ndodhur.
Kjo çështje ka edhe një aspekt tjetër, është një rast shumë i fortë për të vendosur një standard.
