Kongresi i Partisë Socialiste do të mbahet javën e parë të Dhjetorit.
Pak më herët, në mbledhjen e grupit parlamentar të PS-së të drejtuar nga vetë kryeministri, socialistët vendosën për shtyrjen e këtij Kongresi, i cili ishte parashikuar për t’u mbajtur më 4 Nëntor.
Rama i cili ka drejtuar mbledhjen e grupit parlamentar, këtë të hënë ju ka kërkuar deputetëve që të gjithë fokusin e këtij muaji të vendosin tek projektbuxheti i 2024, por dhe ndryshimet që ju bënë buxhetit të këtij viti.
Ndërkohë, lidhur me betejën politike, Rama mësohet t’ju ketë thënë deputetëve se do të marrin qëndrime të unifikuara në bazë të reagimit që do të kenë demokratët.
