Ish kryeministri Sali Berisha në emisionin “Opinion” ka treguar se ishte në shtëpi kur mori dijeni për arrestimin e dhëndrit të tij Jamarbër Malltezit.
Berisha tha se ndodhemi në një regjim diktatorial. Ai tha se është sekuestruar çdo pronë Malltezit, dhe ato të vëna para vitit 2005.
Berisha këtë akt e ka quajtur stalinizëm.
“Unë nuk jam kurrë kundër hetimit. Kallëzimi u bë publik nga Balla ishte kallëzim fund e krye i rremë dhe morën kohën e hetimit . Pas 3 vitesh Malltezi paditi Ballën për padi të rreme dhe ata vepruan kështu.
Në shtëpi isha kur e mora vesh. Ne jemi në një regjim diktatorial. Në vendimin e tyre kanë përfshirë çdo pronë që ka patur në vitin 2005. Ky është stalinizëm. Nuk më çudisin këto”, tha Berisha.
