Etrit Berisha dhe Berat Gjimshiti patën një paraqitje të mirë në ndeshjet e javës së nëntë në Serie A, duke u përzgjedhur në formacionin ideal nga faqja e specializuar e statistikave Whoscored.com.
Empoli dhe Atalanta fituan edhe falë tyre, duke marrë pikë të rëndësishme. Berisha ishte i pakalueshëm në suksesin 2 – 0 të Empoli në derbin me Fiorentina.
Portieri i Kombëtares me ndërhyrjet e tij, 7 të në total, nuk lejoi gol. Nota 8.94 për 34-vjeçarin, e dyta më e lartë në 11-shin ideal të Serie A ku më mirë ishte Politano i Napoli.
Berisha është kthyer në një titullar të padiskutueshëm te skuadra toskane ku u transferua në fillim të sezonit.
Berat Gjimshiti u vlerësua me notën 7.88 për lojën e zhvilluar në suksesin 2 – 0 të Atalanta me Genoa. Gjimshiti është aktivizuar në 8 nga 9 ndeshjet e këtij sezoni në Serie A.
