Megjithëse kanë kaluar 4 ditë nga aksioni i SPAK për të “goditur” liderin e opozitës, ende nuk ka asnjë reagim nga kryeministri Edi Rama i cili akuzohet nga kundërshtarët si orkestrues i urdhër arrestit politike ndaj Jamarbër Malltezit dhe masës së sigurisë “detyrim paraqitje” për ish-kryeministrin Sali Bershën.
Mesditën e sotme, kryeministri Edi Rama thirri në zyrë njerëzit e tij më të besuar në parti dhe parlament. Për një orë, në Kryeministri ishin ministrat Taulant Balla dhe Niko Peleshi, kreu i grupit parlamentar, Bledar Çuçi dhe anëtarët e komisionit të ligjeve, Damian Gjiknuri, Toni Gogu dhe Klotilda Ferhati.
Zyrtarisht nuk u dha një shpjegim për takimin dhe nëse ai lidhej me aktualitetin dhe cështjen Berisha. Burime mediatike bëjnë me dije se “të besuarit” e Ramës morën porosi nga kryeministri se si duhet të sillen në Parlament dhe sa i takon çështjes Berisha.
Vlen të kujtojmë që padinë për çështjen “Partizani” e ka ngritur 3 vjet më parë pasi ministri i Brendshëm socialist, Taulant Balla, në atë kohë kreu i grupit parlamentar të Partisë Socialiste në pushtet, i cili dërgoi në prokurori një dosje me akuza kundër Malltezit dhe Berishës.
