Ibrahim AlAgha dhe gruaja e tij Hamid, një çift irlandez bllokuar në Gazakanë rrëfyer për BBC se sot kanë përjetuar ditën më të keqe.
Çifti dëshironin që tre fëmijët e tyre të lindur në Dublin të njihnin të afërmit e tyre palestinezë dhe të mësonin për gjuhën dhe kulturën. Por në vend të mbledhjeve të qeta familjare që prisnin të përjetonin në udhëtimin e tyre, familjes iu desh të përballej me vështirësi dhe shpërthime.
Ibrahimi tregon se pjesëtarët e familjes nuk kanë zgjidhje tjetër veçse të pijnë ujë të kripur dhe të pafiltruar që e kanë nxjerrë nga një pus me një gjenerator elektrik. Gjithashtu tregon se në shtëpinë ku është strehuar, nëna e një foshnjeje 13 muajshe, të cilës i ka mbaruar formula e ushqimit për djalin e saj dhe grupi nuk ka mundur të gjejë më shumë, po zien hurma dhe perime dhe po e ushqen atë me çfarë të mundet.
“Jeta tani është e pakuptimtë për njerëzit këtu. Atyre nuk u intereson nëse jetojnë apo vdesin apo çfarë ndodh me ta. Është shumë e vështirë. Përpiqem ta mbaj veten të zënë që të humbas mendjen. Të gjithë në shtëpi jemi të pashpresë,”- thotë Ibrahimi.
Fëmijët e vegjël në shtëpi nuk kanë lodrat e tyre, por kanë gjetur një top futbolli dhe luajnë në rërë me gota letre. Hamid rrëfen se djalit të tyre i mungon shkolla dhe mësuesi i tij në veri të Dublini, i ka dërguar një email për t’i thënë se edhe atyre u mungon “shumë”.
Përtej shtëpisë ku janë srehuar 90 persona, Ibrahimi thotë se radhët e bukës po bëhen më të gjata çdo ditë e më shumë, duke u shtrirë përtej blloqeve të apartamenteve përgjatë rrugës deri në vendkalimin e këmbësorëve. Ai ka vënë re se njerëzit që nuk mund të gjejnë strehë dhe po flenë në dyshekë në rrugët e Khan Younis.
