Detaje të reja janë zbardhur në lidhje me aksidentin e ndodhur pasditen e sotme në Pejë, ku një makinë e KFOR-it u përplas me një kamion.
Mësohet se një person ka humbur jetën dhe dy të tjerë janë lënduar si pasojë e aksidentit të ndodhur në rrugën Prishtinë-Pejë, konkretisht në fshatim Leshan.
Mësohet se lëndime të rënda trupore ka pësuar personi që dyshohet se ka shkaktuar aksidentin. Lajmin për mediat në Kosovë e ka konfirmuar zëdhënësi i Prokurorisë Themelore të Pejës, Shkodran Nikçi. Nikçi tha se personi i dyshuar për shkaktimin e aksidentit është dërguar për mjekim të mëtejshëm në QKUK në Prishtinë.
“Si pasojë e një aksidenti trafiku në magjistralen Pejë-Prishtinë, në komunë të Pejës, një person ka ndërruar jetë, ndërsa personi që dyshohet se ka shkaktuar aksidentin ka pësuar lëndime trupore për çka është dërguar për trajtim mjekësor në QKUK dhe është është ndaluar për 48 orë”, tha Nikçi.
Më herët, u publikuan foto, ku dukej se një pjesëtare e KFOR ishte e gjakosur.
