Teksa kryedemokrati Sali Berisha mbante konferencën me gazetarët dhe Jamarbër Malltezit ndodhet pas hekurave, policia dhe SPAK kanë zbarkuar në vilen e këtij të fundit në zonën e Gjirit të Lalzit, për t’ia sekuestruar.
Dy përfaqësues të policisë së Shtetit nga Drejtoria e Krimit Ekonomik hyne brenda vilës për të vendosur sekuestron preventive.
Banesa është në mesin e disa pronave të tjera për të cilat ka nisur sekuestrimi.
GJKKO ka vendosur masën e sigurimit pasuror “sekuestro preventive”, për 16 pasuri të paluajtshme në pronësi të Malltezit, 6 llogari bankare (në euro, dollarë dhe lek) në emër të tij, si dhe kuotat e kapitalit themeltar në shoqëritë “Homeplan” shpk (45% e kuotave), “Magnet IMO” shpk (100% e kuotave) dhe “Magnet Gym&Fit (60% e kuotave).
