Ish-deputeti Belind Këlliçi është shprehur se vendimi për masën e sigurisë “detyrim paraqitje” për ish-kryeministrin Sali Berisha për çështjen e ish-kompleksit Partizani, është në kundërshtim me kushtetutën e vendit.
I ftuar në Ora News, Këlliçi u shpreh se me këtë akt, kryeministri Edi Rama kërkon ta godasë politikisht dhe të asgjesojë opozitën.
Këlliçi: Është në kundërshtim me kushtetutën. Duhej kërkuar autorizim nga parlamenti për të ndërmarrë një masë ndaj një deputeti. Këta lanë Arben Ahmetajn të lirë, u siguruan që të ikje dhe pastaj e shpallën në kërkim.
Ndërsa tani nëpërkëmbet parlamenti vetëm për të goditur Sali Berishën, kreun e opozitës në vend. Me shumë të drejtë Berisha e ka kundërshtuar këtë vendim të gjykatës. Është një masë për ta goditur politikisht dhe për të asgjësuar opozitën. Diçka e tillë tashmë është e qartë.
