GJKKO lë në fuqi masën e sigurisë ndaj Jamarbër Malltezit dhe Fatmir Bektashit.
Pas një seancë maratonë, Gjykata e Posaçme kundër Korrupsionit dhe Krimit të Organizuar (GJKKO) ka caktuar masën e sigurisë “arrest me burg” për Jamarbër Malltezin, i arrestuar me akuzën e korrupsionit dhe pastrim parash, për dosjen hetimore të privatizimin e ish-kompleksit sportiv të klubit Partizani.
Ndërkohë për biznesmenin e tij Fatmir Bektashi u caktua masa e sigurisë “Detyrim Paraqitje”. Para togave të zeza, Malltezi kërkoi shfuqizim të masës së arrestit. Avokatët e tij kanë pretenduar se klienti i tij nuk ka vepër penale, por gjykata e vlerësoi të ligjshëm arrestimin e tij.
- Avokati i Malltezit: Nuk ka vepër penale, po cënohen parimet juridike
Avokati i Jamarbër Malltezit e ka konsideruar si të paligjshme masën e sigurisë “arrest me burg” për klientin e tij për të cilin pohon se nuk ka shkelur ligjin.
Sipas tij, nuk mund të akuzosh dike sepse është trashëgimtar i ligjshëm i një familje të mirënjohur tiranase. Ai tha se me këtë standard të ulët të Prokurorisë dhe me këto aludime po cënohen parimet juridike.
Avokati mbrojtës i Jamarbër Malltezit: “Në rastin konkret nuk ka vepër penale sepse personat nën hetim janë në një marrëdhënie civile të pastër. Nuk mund të aludohet se janë të ligjeve apo VKM që as janë atakuar në kohë as kundërshtuar të pretendohet kryerja e veprave penale korrupsion. Qëndrimi jonë në raport me akuzat e atribuara, është një qëndrim mohues, e them me bindje për aq sa munden fashikujt e depozituar të prokurorisë në Gjykatë. Të akuzosh dikë se është një trashëgimtar i ligjshëm i një familjeje tiranase dhe se ka lidhur marrëdhënie kontraktore me një familje tjetër tiranase është shumë e guximshme Ky standart i Prokurorisë është shumë i ulët dhe me këto aludime po cënohen parimet juridike”
Nën hetim për këtë dosje është vënë edhe ish kryeministri Sali Berisha ndaj të cilit është vendosur masa “Detyrim paraqitje” dhe është ndaluar që të dalë jashtë vendit.
Ditën e sotme, i pyetur se nëse do të paraqitet në GJKKO, Sali Berisha u shpreh se Kushtetuta nuk lejon kufizimin e lirisë së deputetit.
Kujtojmë që kreu i Partisë Demokratike, Sali Berisha ka hedhur akuza ndaj prokurorëve të SPAK të cilët kanë marrë urdhra nga Edi Rama për të kryer arrestime politike ndaj familjes Berisha dhe dhëndrit të tij, Jamarbër Malltezit.
Klubi “Partizani”/ Dokumente, fakte e prova, historia e plotë e një arrestimi politik
