Nënkryetari i Partisë së Lirisë, Petrit Vasili ka reaguar në lidhje me caktimin nga GJKKO të masave të sigurisë për Sali Berishën dhe dhëndrin e tij Jamarbër Malltezi.
Përmes një postimi në “FB”, Vasili nënvizon se ndalimi i lëvizjes së Berishës është një sulm i hapur ndaj rendit demokratik.
Teksa e cilëson vendimin si sulm politik, Vasili thekson se drejtësia e re ka marrë fund dhe po përpiqet të mbulojë korrupsionin dhe inkriminimin e qeverisë shqiptare me veprime të tilla.
“Drejtesia e re ka marre fund. Veprimet ndaj Kryetarit te Partise Demokratike Prof.Sali Berisha jane sulm i hapur ndaj rendit demokratik, Kushtetutes dhe Parlamentit te Shqiperise. Pa u shprehur fare Parlamenti drejtesia politike dhe talebanizmi politik rilindas ne panik marrin vendime te çmendura. Urdheron Edi Rama dhe vepron SPAK Ndaj firmave fap fap fap te Edi Rames SPAK s’guxon te beje asgje duke provuar kapjen e plote politike te tij.Ky eshte sulm shume i rende ndaj shtetit ligjor dhe demokracise ne Shqiperi me qellim qe te fshihet korrupsioni dhe inkriminimi kriminal mafioz i Rames dhe rilindjes”, shprehet Vasili.
