Një gjyqtar është vrarë me armë zjarri jashtë shtëpisë së tij në Maryland në SHBA.
52-vjeçari Andrew Wilkinson ishte zv.gjyqtar i Gjykatës së Qarkut të Washington. Ai u qëllua nga 49-vjeçari Pedro Argot. Policia e ka identifikuar atë dhe është në ndjekje të tij. Autori nuk ka pasur precedentë të mëparshëm penal. Policia njofton që ai është i armatosur dhe i rrezikshëm.
Gjyqtari i vrarë kishte në dorë një çështje në lidhje me divorcin e autorit Argot nga bashkëshortja e tij.
Ditën e enjte ishte mbajtur një seancë dëgjimore. Autori nuk mori pjesë në seancë, ndërkohë që gjyqtari ia dha kujdestarinë e fëmijëve nënës së tyre.
Kjo duhet të jetë dhe arsyeja e atentatit ndaj gjyqtarit.
Në momentin e vrasjes brenda në shtëpi ishte bashkëshortja e viktimës dhe djali i tyre. Wilkinson ishte gjyqtar që prej vitit 2020, pas më shumë se 20 vitesh praktikë.
