Ka marrë fund arratia e 61 vjeçarit, Bexhed Mema, i shpallur në kërkim për veprën penale “Ndihma për kalim të paligjshëm të kufijve”.
Mema është arrestuar këtë të mërkurë në Durrës, pasi gjykata i kishte caktuar masën arrest me burg.
“Në vijim të punës për kapjen e shtetasve të shpallur në kërkim për veprimtari kriminale të ndryshme, shërbimet operacionale të Drejtorisë Vendore të Policisë Durrës, të mbështetura nga inteligjenca policore, bënë të mundur lokalizimin, kapjen në lagjen nr. 17, Durrës, si dhe vënien në pranga të shtetasit B. M., 61 vjeç, banues në Shijak.
Gjykata e Posaçme e Shkallës së Parë kundër Korrupsionit dhe Krimit të Organizuar i ka caktuar 61-vjeçarit, masën e sigurisë “Arrest në burg”, për veprën penale “Ndihma për kalim të paligjshëm të kufijve”,- njofton Policia.
Materialet procedurale shtesë i kaluan SPAK-ut, për veprime të mëtejshme hetimore.
