Një aksident i rëndë ka ndodhur mbrëmjen e kësaj të mërkure në tunelin e Kalimashit.
Dy automjete janë përplasur me njëra-tjetrën e për pasojë kanë humbur jetën dy persona, dhe janë plagosur 3 të tjerë.
Viktimat raportohet se janë shtetas të Kosovës. Të plagosurit janë dërguar në spital për ndihmë mjekësore.
“Sipas informacioneve paraprake, mësohet se rreth orës 17:45, në tunelin e Kalimashit, janë përfshirë në një aksident rrugor automjetet tip “Benz” me drejtues shtetasin A. B., banues në Tropojë, automjeti tip “Ford”, ku udhëtonin shtetasit S. O., N. O., dhe I. L., banues në Kosovë, si dhe autoboti me drejtues shtetasin Sh. S., banues në Kosovë.
Nga aksidenti kanë humbur jetën dy shtetas, ndërsa 3 shtetasit e tjerët po marrin mjekim dhe ndodhen jashtë rrezikut për jetën”,- njofton Policia.
Grupi hetimor po punon për përcaktimin e shkaqeve të aksidentit
