Kryeministri izraelit Benjamin Netanyahu i ka përshkruar sulmet e Hamasit ndaj Izraelit si krimet më të rënda të kryera kundër hebrenjve që nga Holokausti.
Në një takim me kancelarin gjerman Olaf Scholz sot në Tel Aviv, Netanyahu i krahasoi aktet e sulmuesve të Hamasit me masakrën e Babi Yar, ku në një luginë të ngushtë pranë Kievit, nazistët qëlluan më shumë se 33 000 burra, gra dhe fëmijë hebrenj në shtator të vitit 1941.
“Hamasi janë nazistët e rinj,” tha Netanyahu, dhe vazhdoi gjithashtu duke e krahasuar organizatën me rrjetin terrorist të Shtetit Islamik.
Ai i bëri thirrje botës që të ndihmojë Izraelin të shkatërrojë Hamasin dhe falënderoi Scholz për vizitën e tij në Izrael dhe solidaritetin e tij.
