Shqipëria sfidon Bullgarinë nesër në “Air Albania”, në një test miqësor.
Në konferencë për shtyp përkrah trajnerit Sylvinho, doli portieri Tomas Strakosha.
Strakosha deklaroi se çdo ndeshje ka rëndësinë e saj dhe nesër ndaj bullgarëve do të synohet fitorja. Ai gjithashtu tha se Silvinho ka arritur të bashkojë kombëtaren duke krijuar një grup solid.
Në kombëtare nuk ke shumë kohë, Silvinjo ka krijuar një grup dhe kjo është merita e trajnerit, Kjo duket edhe nga rezultatet dhe në fushë. Nuk e kisha menduar dhe të gjithë po e mendojmë dhe besoj do jetë gjëja më e bukur, dhe tani kemi futbollistë që luajnë në nivele të larta, na duhet edhe 1 pikë, kemi mundësinë për të provuar edhe më shumë. Nuk jam unë ai që vendos, ka ende 6-7 muaj deri në verë, unë jam i lumtur atje ku jam dhe me Kombëtaren. Pastaj nuk I dihet se çfarë ndodh”.
Debutimi në Premier League, alternimi me Berishën, si ndihesh? “Jam krenar për debutimin në Premier League, në kombëtare mendon trajneri, kushdo duhet të jetë gati dhe të ndihmojë skuadrën për të arritur objektivin. Futemi gjithnjë për të fituar, çdo ndeshje është e rëndësishme për të krijuar një skuadër solide dhe është e rëndësishme të kenë minuta ata që luajnë më pak për t’ju ndjerë të rëndësishëm.
Për mua është gjëja më e bukur të luaj në Premier League, jam i lumtur. Besoj se kam cilësitë për të luajtur, objektivi tjetër është të luaj në Europian.
Jemi të lumtur, grupi është shumë pozitiv kjo është ajo që na ka munguar këto vite. E meritojmë kualifikimin duke arritur edhe vendin e parë, jemi të bashkuar dhe ndaj vijnë edhe rezultatet. Lojtarët nuk ndryshojnë shpesh tani dhe në kombëtare nuk ke kohë për të krijuar grupin, kjo na ka munguar me Rejën dhe Panuccin. Kjo është meritë e trajnerit, jemi afër njëri-tjetrit dhe kjo duket edhe në fushë”.
Hera e parë në Europian? “Nuk e kisha menduar, tani e mendojmë të gjithë do të jetë e bukur. Shumë lojtarë luajnë në skuadra të mëdha me shumë eksperiencë, e kemi ekipin për të marrë edhe më shumë nga hera e fundit në Europian”.
Stoli te Brentford ju penalizon për Europianin? “Nuk vendos unë, ka edhe 6-7 muaj për në Europian, tani gjërat ndoshta ndryshojnë, jam i lumtur që jam në kombëtare, e rëndësishme të jem mirë me shëndet dhe pastaj nuk i dihet se çfarë ndodh”.
Çfarë prisni nga Bullgaria? “Presim një ekip të organizuar mbrapa dhe që do të provojë në goditjet standarte. Jemi të gatshëm për të provuar veten.
Lojtarët që kemi në ekip nuk i ndryshoj as me lojtarët më të fortë. Çdo ndeshje është e rëndësishme për ne” – Tha ai.
