Dy shqiptarë janë përfshirë në një sherr me disa klientë të tjerë, në orët e para të mëngjesit të sotëm, në një lokal nate në Volos të Greqisë
Mediat greke raprtojnë se shqiptarët pas sherrit kanë nxjerrë armët dhe kanë qëlluar në ajër duke krijuar panik. Pasi është njoftuar policia, dy shqiptarët janë larguar, ndërsa nga pas i kanë ndjekur 6 persona të tjerë, të cilët i kanë ndaluar dhe i kanë rrahur.
Sipas mediave greke, një nga shqiptarët ka mbetur i plagosur dhe është dërguar në spital. Policia ka mbërritur në vendngjarje, ka konfiskuar pistoletën dhe ka vazhduar me arrestimin e tetë personave të përfshirë në ngjarje.
Të gjithë u dërguan në Prokurorinë e Rrethit Volos me akuzën e prishjes së qetësisë, shkeljes së ligjit për armët dhe lëndimit trupor, sipas rastit.
