Nga Boldnews.al
I vetëdijshëm se sa herë flet për çështjen e Kosovës ai vetëmse i ngatërron më shumë punën ngase janë, së fundmi ka vendosur që të heshtë, por atje ku në fakt ka të drejtë të “ulerasë” për të dëgjuar ata që kanë shumë në duar.
Në konferencën e përbashkët për shtyp me presidenten e KE-së Ursula von der Leyen, Rama u pyet për çështjen e Kosovës, por e anashkaloi në atë mënyrë që çedoi fatkeqësisht për keq, duke trashuar gjithnjë e më shumë rolin e tij negativ sa herë flet për Kosovën. Edhe kur tenton të bëjë diplomatin, në fakt Rama sot sapo bëri indiferentin për çështjen shqiptare.
“Procesi i Berlini, është një proces që lidhet me nxitjen e vazhdueshme të rajonit drejt katër lirive të BE, të lëvizjeve të njerëzve, kapitaleve, mallrave dhe shërbimeve. Ky samit nuk është për zgjidhjen çështjeve bilaterale. Ne programin e samiti, dreka e punës e liderëve do ti kushtohet edhe marrëdhënieve fqinjësore në rajon. Pra hapësira për një diskutim të hapur mes te pranishmëve është e programuar por nuk është një samit që merr përsipër të gjej zgjidhje për çështje të tilla”, u shpreh Rama.
E thënë me kaq ironi malinje ku agresionin e terroristeve serb në Kosovë e relativizon deri në atë pikë sa e quan një “çështje biletarale”, në fakt tha më shumë se tentativa për ta anashkaluar. Rama më tepër shqetësohet për komentet në facebook sesa për qëndrimet serioze që duhet të mbajë Shqipëria si një shtet, pasi ka dy përgjegjësi të madha. E para është shteti mëmë dhe e dyta jemi pjesë e Ballkanit ku një aggresion i armatosur i Serbisë mbi Kosovën, siç ndodhi më 24 shtator, shtrihet nartyrshëm edhe në Shqipëri.
Kryeministri ynë që shet veten si politikan modern dhe “lider rajonal”, duke u mburrur se në arenën ndërkombëtare jëmi në majë, në fakt duket shumë i vogël para “çështjes Kosovë”, herë nga padija e herë nga megalomania dhe deklarata idioteske që na kanë çuar në atë pikë sa dy shtetet e të njëjtit gjak janë në pikën më të errët të marrëdhënieve.
Po si është e mundur që më shumë foli Ursyla Von der Lyen për Kosovën sesa Rama? Përgjigja është mjaft e thjesht, por fort e komplikuar për të kuptuar mendjen haluçinative të një individi që për propagandë shet gjithçka, duke çuar në “tregun e lirë” pa dashje ndoshta, edhe çështjen kombëtare, mjafton që ai të jetë në majën e një pirgu plehu dhe të “këndojë” për veshët e Rilindasve të tij.
Fatet e Kosovës sot janë në rrezik ku priten të merren vendime të mëdha, por fatkeqësia jonë është se në këtë periudhë të rëndësishme në krye të qeverisë Shqiptare fatkeqësisht kemi një të vetëquajtur “lider global” që nuk bën dot as “liderin shqiptar”, duke çuar ujë, ndoshta pa dashje në mullirin shovinist të Serbisë, e cila ka mbjellë vetëm luftë, gjak dhe dhimbje në të gjithë Ballkanin Perëndimor.
Rama do të presë në Samitin e Berlinit që do mbahet në Tiranë liderët e 27 vendeve të BE-së, më pas edhe përfaqësuesit e Serbisë dhe Kosovës. Ai po i trajton “njësoj”, duke mos ndarë agresorin Serbi nga viktima Kosovë dhe më pas me fjalorthin furt dritëshkurtër “vetë-viktimizohet” se po I bien në qafë kot duke e quajtur “mikun e Vuqiqit”. Edhe ky lloj fjalori në fakt është një ndarje e frikshme në këtë përbuzje dialektore. Nëse në takimin me liderët e BE-së çështjen Kosvë nuk e ngre, atëherë kjo “heshtje” është një klithje se jemi para një rreziku serioz ku me të drejtë qytetarët këtu në Shqipëri dhe ata në Kosovë mund edhe të mbushin sheshet e protestës edhe me parrulla që nuk duhet të gëzojë askënd me fraza tradhtie…
