Një sherr që ka degraduar në përplasje fizike raportohet të ketë ndodhur në Itali. Dy shqiptarë përkatësisht të moshave 23 dhe 20 vjeç, janë konfiktuar për motive të dobëta e si pasojë ka mbetur i plagosur me thikë njëri prej tyre.
Mediat e huaja bëjnë me dije se 20-vjeçari i plagosur, është transportuar menjëherë në spitalin Ponte a Niëheri, i cili ende ndodhet nën mbikëqyrjen e mjekëve.
Sipas raportimit, 20-vjeçari nuk është në rrezik për jetën, por ka marrë disa plagë në gjymtyrët e tij dhe në njërën dorë, ku mjekët kanë vendosur që të bëjnë një ndërhyrje të mundshme kirurgjikale.
Ndërsa 23-vjeçari tjetër me origjinë shqiptare, i cili ishte larguar pas sulmit para se të vinte patrulla, u paraqit vetë në spital, i cili mori një prognozë 10-ditore.
Hetimet për këtë ngjarje janë në proçes e sipër nga Policia italiane, duke iu përmbajtur edhe dëshmive të qytetarëve që kanë qenë në vendngjarje.
