Detaje të reja kanë dalë në dritë nga grabitja me armë që ndodhi një ditë më parë në Irakleo të Greqisë.
Një burrë, i veshur me maskë, hyri në një pikë karburanti në mesnatë dhe duke kërcënuar punonjësin, i kërkoi paratë nga arka.
Punonjësi i ka dhënë 260 euro dhe grabitësi i ka marrë e është arratisur në këmbë. Policia duke përdorur materialet e kamerave të sigurisë, si dhe deklaratat, ka mbërritur në gjurmët e autorit, i cili është identifikuar dhe është shpallur në kërkim.
Sipas verifikimeve të deritanishme, mediat e huaja raportojnë se bëhet fjalë, për një 45-vjeçar shqiptar, emri i të cilit ende nuk është bërë publik.
