Një shqiptar ka humbur jetën në një aksident tragjik të regjistruar mesditën e sotme në Rethymnon, Greqi.
Raportohet se viktima është 50-vjeçari Fatos Dyli, me origjinë nga Berati, i cili është shtypur nga një ekskavator, pasi automjeti është përmbysur në rrethana të paqarta.
Shërbimi zjarrfikës i Rethymno ka shkuar menjëherë në vendngjarje. Për operacionin e nxjerrjes kanë ndihmuar dy automjete me 8 punonjës, të cilët kanë nxjerrë të pajetë Fatos Dylin.
Shqiptari ishte baba i dy fëmijëve, një vajze dhe një djali dhe jetonte prej vitesh në qytetin grek.
