Një banesë është përfshirë nga flakët pasditen e kësaj të hëne në qytetin e Vlorës, ku shkaku i zjarr rënies ka qenë shpërthimi i një bombole gazi.
Ngjarja ka ndodhur në lagjen “Hajro Çakërri” të qytetit bregdetar. Rruga e ngushtë i ka vështirësuar punën zjarrfikëses që ka shkuar për ndihmë. Ndërkohë situata është normalizuar pa dëme në njerëz.
Sipas informacioneve paraprake, mësohet se i zoti i shtëpisë po izolonte tarracën e objektit dy katëshe në momentin që ndodhi ngjarja.
