Autoritetet gjermane kanë publikuar bilancin nga operacioni i nisur në tetor të një viti më parë kundër kultivimit të marijuanës.
Mediat e huaja shkruajnë se pas fillimit të hetimit, policia sekuestroi 110 kilogramë marijuanë dhe para të gatshme në vlerë prej 16 mijë eurosh, ndërsa në pranga ka rënë një 27-vjeçar shqiptar.
Falë bashkëpunimit të mirë me zyrën e prokurorit publik, u identifikua gjithashtu një pronë komerciale në Düsseldorf-Heerdt. Aty, oficerët mundën të konfiskonin 1100 bimë kanabis. Aty janë gjetur dhe arrestuar edhe dy shtetas shqiptarë të moshës 33 dhe 35 vjeç.
Sipas raportit të LKA NRË, rendimenti mesatar i plantacioneve të kanabisit për korrje ishte rreth 100 kilogramë kanabis, që rezulton në një rendiment vjetor prej 300 kilogramësh me tre korrje të mundshme. Prandaj, vlera e shitjes së të ardhurave vjetore duhet të jetë rreth 1,350,000 euro.
Një plantacion i brendshëm kanabisi me 2200 bimë u zbulua në Dessau (Saksonia-Anhalt) në tetor 2022. Aty dolën indikacionet e para të një bande që vepronte në nivel kombëtar.
Hetimet u kryen më pas edhe në Saksoninë e Ulët, Rhineland-Pfalz dhe Baden-Ëürttemberg. Aty u sekuestruan gjithsej tetë plantacione kanabisi me rreth 11,200 bimë. Gjithashtu, u arrestuan edhe 20 shqiptarë të tjerë.
