Vdekja e vogëlushit 3-vjeçar, Brian Spahiu vijon të jetë në sitën e hetimeve ndërsa detaje të reja dalin në dritë.
Mësohet se këtë të premte policia dhe prokuroria kanë shkuar për të sekuestruar kamerat e sigurisë në klinikën e dentistit Roland Xhaxho, por mjeku ka deklaruar se nuk ka.
Xhaxho ka deklaruar se nuk ka kamera sigurie prej datës 23 shtator, pasi ka kryer disa punime. Sakaq, mësohet se policia ka sekuestruar DVR (regjistrimet e kamerave).
Kujtojmë se i mituri iu nënshtrua një ndërhyrjeje në dentare në këtë klinikë në datën 28 shtator, dhe pas shfaqjes së komplikacioneve në mbrëmje të kësaj date, ka ndërruar jetë në datën 1 tetor, teksa ndodhej i shtruar në QSUT.
