Një aksident i rëndë raportohet të ketë ndodhur këtë të premte në Maltë. Mediat vendase shkruajnë se dy automjete janë përplasur me njëra-tjetrën e si pasojë ka mbetur i plagosur rëndë një 22-vjeçar shqiptar
I riu shqiptar është dërguar menjëherë në urgjencën e spitalit Mater Dei, ku konstatohet se gjendja e tij është kritike.
Ngjarja e ndodhur në Triq San Anard ka shqetësuar kalimtarët dhe shoferët që kanë parë ngjarjen, duke thënë se aksidenti ishte i rrezikshëm.
Identiteti i shqiptarit ende nuk bëhet me dije, ndërsa autoritetet vijojnë hetimet për zbardhjen e plotë të rastit.
