Prishja e pazareve të drogës ka sjellë një konflikt mes 4 shtetasve grekë dhe një të mituri shqiptar.
Mediat e huaja shkruajnë se katër shtetasit grekë mesditën e datës 18.09.2023, në zonën e Thermit në Selanik, kanë kryer një sulm me dhunë fizike ndaj një 17 vjeçari shqiptar, dhe e kanë kërcënuar me armë. Grekët kanë kërkuar pagesën e një shume të parash, si shlyerje pas një transaksioni të mëparshëm droge që kanë pasur.
Pas arrestimit të personave të përfshirë në këtë rast, u kryen kontrolle banesash , ku u gjetën dhe u sekuestruan veshje që kishin dy prej tyre në vendngjarje, 2 pistoleta me ajër me aksesorët e tyre, 8 thika, 2 shufra metalike të palosshme, pako të improvizuara me kanabis me peshë totale 187.6 gram, 2 rende kanabis, 3 peshore elektronike precize, sprajt piper etj.
Ndërkohë i riu shqiptar ndodhet në spital ku po merr trajtim mjekësor, dhe raportohet se është jashtë rrezikut për jetën.
