Deputeti i Partisë Demokratike, Flamur Noka ka lëshuar akuza në drejtim të qeverisë shqiptare, sipas të cilit, kryeministri Rama po i fut thikë pas shpine Kosovës.
Nga foltorja e Kuvendit, Flamur Noka tha se maxhoranca sot është e zhytur nga koka te këmbët.
“Jeni të zhytur nga koka te këmbët. Përdorni kukullat Matrioshka, ushtarët e Taulantit, që të hiqni vëmendjen nga thelbi. A mund të thuhet se Kosova është tokë e askujt? Apo është tok brez pas brezi shqiptare! Kë përfaqësoni ju këtu? Interesat e popullit shqiptar apo të tjerë? Na tregon zonja Spiropali se nuk është Kosova çështje e politikës së jashtme. A është tradhti kombëtare, thikë pas shpine kjo që po bëni me Kosovën?”, tha Noka.
