Partia Socialiste dorëzon në Kuvend rezolutën që dënon sulmin në veri të Kosovës ku humbi jetën efektivi i policisë, Afrim Bunjaku.
Në pr/rezolutë PS kërkon që Serbia “të heq dorë nga qëndrimet armiqësore e luftënxitëse ndaj Kosovës dhe të dorëzojë kriminelët”
Gjithashtu kërkohet nga Serbia të hapë një hetim serioz dhe transparent për organizuesit e sulmit në Kosovë.
“Partnerët të ushtrojnë ndikim për të ballafaquar Serbinë me rolin që ka patur në sulm. SHBA dhe BE të ngrenë alarmin për të parandaluar rrezikun që i kanoset paqes dhe sigurisë së Kosovës” thuhet ndër të tjera në pr/rezolutën e PS.
Gjithashtu ndër të tjera nënvizohet se prania e shtuar e trupave në KFOR në Veri të Kosovës është garanci për paqen në rajon.
Kujtojmë që prej disa ditësh kryeministri Edi Rama është ‘kryqëzuar’ nga mediat dhe faktorë të rëndësishëm politikë në Shqipëri dhe Kosovë për shkak të qëndrimeve të mbajtura prej tij duke mos dënuar Serbinë për shkak të miqësisë së tij që ka me Vuçiç.
