Një 50 vjeçar është arrestuar këtë të mërkurë nga policia , pasi akuzohet për kanosje.
Blutë bëjnë me dije se në pranga ka rënë shtetasi me iniciale N.M, pasi një ditë më parë ka kërcënuar një mësues në fshatin Zall Bastar, në Tiranë.
“Specialistët për Hetimin e Krimeve të Komisariatit të Policisë Nr. 4 arrestuan shtetasin: N. M., 50 vjeç, banues në fshatin Zallbastar, pasi ditën e djeshme, ka kanosur një mësues, për shkak të detyrës”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
