Një aksident ka ndodhur pasditen e kësaj të mërkure në Peshkopi, në vendin e quajtur ‘kryqëzimi i Bolonjës’.
Një makinë tip “Benz”, në rrethana ende të paqarta është përplasur me një motor, e si pasojë janë plagosur dy drejtuesit e mjeteve.
Këta të fundit janë transportuar në spital dhe ndodhen jashtë rrezikut për jetën, ndërkohë vijojnë hetimet për zbardhjen e plotë të rastit.
“Dibër/informacion paraprak Me datë 04.10.2023, rreth orës 15.00, në vendin e quajtur ‘kryqëzimi i Bolonjës’, në qytetin e Peshkopisë, është përfshirë në një aksident mjeti tip “Benz”, me drejtues shtetasin B.Sh., me motomjetin që drejtohej nga shtetasi B.K. Si pasojë e përplasjes së mjeteve ka mbetur i lënduar drejtuesi i motomjetit dhe pasagjeri që udhëtonte me të, shtetasi L.R, të cilët po marrin ndihmë mjekësore në spital”,- njofton Policia.
Grupi hetimor po punon për zbardhjen e rrethanave të këtij aksidenti.
