Deputetja e Partisë Demokratike, Albana Vokshi është në krah të studentëve të mjekësisë të cilëve qeveria Rama me ligjin e ri do t’i mbajë “peng” diplomën për 5 vite duke detyruar që të punojnë në Shqipëri.
Gjatë një postimi në rrjetet sociale, Vokishi bën me dije se Ministria e Arsimit shkel ligjin ‘ditën për diell’.
Sipas ligjit të ri për studentët e mjekësisë thuhet se “Kosoja e përllogaritur dhe e miratuar nga organet kolegjiale të IAL bëhet publike për studentët para fillimit të vitit akademik”, ndërsa prej ditës së djeshme viti i ri akademik ka filluar por ende nuk është përllogaritur kostoja e studimeve.
Vokshi thekson se ligji për mjekësinë është anti-kushtetues dhe diskriminues, ndaj i bën thirrje studentëve për të vijuar me protesta.
Reagimi nga Albana Vokshi:
“Ligji për Studentët e Mjekësisë ka rënë!!!
Vendimi i Këshillit të Ministrave VKM Nr. 527, dt 7.9.2023, pika 6, përcakton:
– Kosoja e përllogaritur dhe e miratuar nga organet kolegjiale të IAL bëhet publike për studentët para fillimit të vitit akademik.
Viti akademik për studentët e mjekësisë ka filluar, por kostoja ende nuk është përllogaritur, edhe pse Ministrja Manastirlliu po ushtron presion.
Bordi Administrativ i Universitetit të mos bëhet pjesl e kësaj padrejtësie dhe diskriminimi që po i bëhet studentëve të mjekësisë.
Ligj për studentët e mjekësisë është antikushtetues, diskriminues!! Ndaj edhe i pazbatueshëm!!
Protesta e studentëve, protestë për dinjitet dhe bazari”, shkruan Vokshi.
- Të hënën nis viti i ri akademik
Ditën e hënë të 2 tetorit nisi viti i ri akademik për sezonin 2023-2024. Rreth 20 mijë studentë do të ulen për herë të parë në auditorët e universiteteve. Të tjerë pritet të regjistrohen në programet e studimit ku kanë mbetur kuota të lira pranimi, drejtpërdrejtë në universitet deri në plotësimin e gjitha kuotave.
Ashtu sic kishin paralajmëruar, studentët e mjekësisë kanë nisur protestën e tyre. Protesta, në nisje të vitit akademik, vjen pas vendimit të qeverisë që i detyron ata të punojnë 5 vite në vend, dhe më pas të të marrin diplomën. Por kjo është kundërshtuar fort nga këta studentë, të cilët kanë vendosur që sot të bojkotojnë procesin mësimor.
Por, ky vit akademik pritet të nisë me protesta dhe bojkote që në fillim të tij nga ana e studentëve të mjekësisë. Ky bojkot vjen pasi ata kundërshtojnë ligjin e ri, i cili i detyron të punojnë 5 vite në Shqipëri pas mbylljes së studimeve.
Ndërkohë vlen të rtheksohet dhe fakti se në klasifikimin e bërë nga dy renditësit më të rëndësishëm të cilësisë së universiteteve për Evropën Jugore, Shqipëria radhitet në fund të listës. Ndërsa të dhënat e vitit 2023, tregojnë se katër Universitete shqiptare kanë rënë 200 vende nga renditja e vitit të kaluar.
- Universitetet shqiptare nga 688 në universitete në total renditen:
-Universiteti Bujqesor i 605
-Universiteti Durrësit i 606
-Universiteti i Politeknik i 658
-Universiteti i Tiranës i 677
Universiteti i Tiranës fabrika më e madhe e Diplomave Universitare në Shqipëri është vetëm 10 vende larg nga fundi i tabelës, pra i 677 nga 688 universitete të Evropës Jugore.
Kjo tregon një rënie drastike për cilësinë e universiteteve në Shqipëri, pasi në 2021 këto universitete renditeshin tek fasha 301-350 dhe në 2022 midis 350-400.
