Politologu Ilir Kalemaj e gjen me vend thirrjen e Sali Berishës për protesta.
Duke folur në MCN Live, Kalemaj tha se ka një pakënaqësi shoqërore në mesin e studentëve dhe detyra e opozitës është të ketë rolin e lokomotivës.
Kalemaj vë në dukje rëndësinë që protestat e opozitës të kenë një objektiv dhe strategji.
“Në këto 10 vite janë 54 mijë studentë që mungojnë në arsimin e lartë dhe numri është trefish në arsimin parauniversitar. Këta janë si rezultat si i migrimit të brendshëm dhe migrimit të jashtëm. Një pjesë janë të Universitetit të Mjekësisë dhe degëve që lidhen me të. Qeveria në vend të adresojë shkakun, i bie shkurt dhe vendos një gjobë arbitrare, që është edhe antikushtetuese…Kjo është një formë puniste. Nuk kanë marrë asnjë model, as rumun, as polak. Kishte rënë me 30-40 për qind numri i regjistrimeve në Mjekësi nga ky ligj arbitrar. Ke universitetet e rretheve, Universiteti i Vlorës kishte 4 degë pa asnjë studentë, Universiteti i Shkodrës kishte te Historia vetëm një student. Është fenomen drastik në universitete publike dhe private, që ka rënë ndjeshëm numri i studentëve. Ata po ngrihen dhe protestojnë, nuk është puna se është kauzë politike dhe po ngrihet Berisha, ata janë të pakënaqur. Unë mendoj se opozita duhet të ketë rolin e lokomotivës të pakënaqësive shoqërore. Absolutisht e gjej me vend thirrjen e Berishës. Detyra e opozitës është t’i nxjerrë njerëzit në protesta dhe të kanalizojë pakënaqësitë e tyre, a është kjo forma e vetme, pastaj kjo ha debat”, tha Kalemaj.
“Natyrisht që nevojë për protesta vendi. Në të gjithë botën opozita i udhëheq protestat. Jam dakord me Redonin që a duhet të ketë një objektiv apo strategji protesta. Kush është objektivi, qeveria teknike, largimi i Ramës, reforma zgjedhore, reforma territorialo-administrative. Po shkelet me të dyja këmbët Kodi Zgjedhor. Janë 800 mijë shqiptarë të larguar gjatë këtyre viteve, që janë vota opozitare. Këto janë disavantazhe. Opozita duhet të gjenerojë shpresë”, shtoi ai.
