Personi që shihni në foton e mëposhtme është 83-vjeçari, Agim Çeta, i cili u gjet pa shenja jete pasditen e sotme në kryeqytet.
I moshuari ishte denoncuar i zhdukur disa ditë më parë, pasi kishte humbur kontaktet me familjarët, ndërsa për herë të fundit ai ishte parë në rrugën “Riza Cerova” në Tiranë.
Në trupin e tij nuk janë konstatuar shenja dhune nga këqyrja paraprake, dhe dyshohet se ka vdekur për shkaqe natyrale.
“Më datë 03.10.2023, pas Njësisë Administrative Dajt, është gjetur pa shenja jete dhe pa shenja dhune, shtetasi A. Ç., 83 vjeç.
Ky shtetas është shpallur në kërkim nga Komisariati i Policisë Nr. 4, pas kallëzimit të bërë nga familjarët për largim nga banesa”,- njoftoi policia.
Grupi hetimor po punon për zbardhjen e rrethanave të ngjarjes.
