Deputeti demokrat Saimir Korreshi ka deklaruar se bujqësia ndodhet në ditën e saj më të zezë.
Nga foltorja e Kuvendit, Korreshi ka ironizuar disa pamje të shpërndara nga deputeti socialist Erion Braçe nga vreshtat e Lushnjes, duke i kërkuar t’i tregojë sekretin se si u zgjidhkan problemet me selfie.
Ai ngriti shqetësimet se subvencionet nuk po shpërndahen te fermerët, ndërsa kujtoi se tollonat e naftës u dhanë vetëm përpara zgjedhjeve të fundit lokale.
“Selfiet e këtyre dite kanë qenë shumë të ndjeshme për fermerët e Lushnjes, por mirë do të ishte të mos kishin shkuar vetëm këta të PS-së, pro të kishin dalë edhe këta të anëve tona (demokratët). S’ka vetëm PS këtu. Ka 3 ditë që fermerët e shkretë dalin në arë vetëm për të bërë selfie, jo mo se nuk vaditet toka. Ata ngelen me telefon në dorë. Tani o na tregoni se si ecën situata me selfiet, se për ndryshe nuk kemi terezi kështu. Së pari u uroj suksese në detyrën e vështirë të ministrisë së Bujqësisë. Së pari gruri është në magazinë sepse duhet të pyesini sa është kuintali i grurit. Iku druri erdhi misri, po njëlloj. Po pyesin nga Lushnja ore kush i mori këto subvensionet? 25 vite ka komuna e Dushkut pa u vaditur”, tha Korreshi.
“Pyetini njerëzit se çfarë do të thonë. E pra kjo është situata. Lushnja gjithë ky vend bujqësor, nuk ka një laborator por duhet të shkojmë në Krujë për të bërë analizat e tokës. Verifikojini njëherë pse u ndalë tollonat e nafëts dy ditë para zgjedhjeve. Ka një kallëzim nga unë personalisht për këtë në Prokurorinë e Lushnjes. Është ndarë pikërisht nga mbështetës të Partisë Socialiste që nuk kanë asnjë lidhje me bujqësinë. Verifikojini pse ajo shumë 400 mijë lëkë të vjetëra për hektarë serë nuk janë marrë nga fermerët, por u dhanë vetëm 186 mijë lekë. Nuk e dija se deri dje gjithçka zgjidhej me selfie, por bujqësia është në ditën e saj më të zezë. Doni të dini se si është vërtetë bujqësia, ejani dhe jua tregoj unë”, shtoi ai.
